Estimadas familias,
Este luns 29 de novembro recibimos no centro á compañía de teatro TRINKE-TRINKE co seu contacontos "O ratiño presumido".
Con esta actividade pechamos as propostas realizadas nestas datas sobre a igualdade e contra as violencias machistas.
É unha actividade subvencionada por parte do Concello a través do CIM.
Estimadas familias,
o concello pon en marcha o serzivo de Mañanceiros no centro.
As que esteades interesadas en facer uso do mesmo podedes obter toda a información na ligazón da web do concello
O prazo de inscripción é do 18 ao 31 de agosto!
Sabías que Setestrelo é o nome tradicionalmente dado en Galicia ao asterismo da Osa Maior debido a que ten sete estrelas ben visibles? Noutras culturas este asterismo tamén é coñecido polo nome de Gran Carro ou o Cazo.
Pero ademais é o nome escollido para unha agrupación que aúna un corpo de música e baile tradicional espectacular que nos presentará este venres 7 de maio ás 20:00 h o seu espectáculo O Camiño, un percorrido polas diversas rutas xacobeas, levado a escena cunha combinación de fotografía, vídeo, presentación teatralizada, canto e música.
Setestrelo pretende levar ao público a fantasía de facer o Camiño de Santiago desde a súa butaca e poñer en valor a música tradicional e mostrar a riqueza paisaxística e monumental de Galicia. Con ese fin, interpretan pezas tanto das zonas por onde transcorren os camiños como das súas áreas de influencia, músicas de autor e temas compostos para ese camiño en concreto.
Para todos os públicos
Custo da entrada: 6 € (4,50 € prezo reducido)
Venda de entradas: o día da función de 11:30-13:30 e de 18:00-20:00 h na billeteira do CCC de Arteixo ata completar a capacidade da sala
Con este espectáculo a Concellaría de Cultura inaugura o PROGRAMA CULTURAL MANUEL MURGUÍA que terá lugar en maio, mes das Letras, e mes no que se celebra o 30º Aniversario do Certame de Narracións Breves Manuel Murguía.
Como vimos facendo desde fai anos colaboramos co Centro Comercial Aberto de Arteixo na súa CAMPAÑA DE RECOLLIDA DE ALIMENTOS.
Este curso non faremos postais como nos anteriores senón que decoraremos Máscaras Solidarias co noso alumnado.
As máscaras proporcionadas polo CCA de Arteixo serán decoradas polo alumnado e estarán expostas en establecementos comerciais de Arteixo dende o día 5 de decembro ata o 7 de xaneiro, onde se poden ir recoller a cambio de alimentos non perecedoiros.
Estas máscaras decoradas NON son equipos de protección. Son máscaras simbólicas e teñen unha función pedagóxica. Polo tanto, NON son para usar.
 |
| Accede aquí á presentación |
