UN NADAL POLO MUNDO

Este venres tivemos unha xornada festiva e familiar. 
Contamos coa visita do Carteiro Real, realizamos un Obradoiro de Cociña para preparar aperitivos para a merendola de despois da festa na que bailamos, cantamos e festexamos coas familias o final do primeiro trimestre de #MesturArte.

SOÑANDO INVENTEI

Hoxe contamos na BiblioBN coa presenza de Mª Faltri e Jorge Juncal co espectáculo "Soñando inventei", un espectáculo Trans-Formador por e para a igualdade.

Saída Museo Belas Artes

Hoxe visitamos o Museo de Belas Artes de A Coruña. Alí fixemos un percorrido por diferentes edificacións a través da arte.

MAGOSTO 2019

A choiva non puido coas ganas de festexar o Magosto en Barrionovo: xuntanza coas familias, talleres de elaboración dun tres en raia e dun colar de castañas, música e castañas quentiñas! Que bonita xornada pasamos:

25 N: NON É NON

  O 25 de novembro a BibliBn vestiuse de gala para recibir a Silvia Penide e Nati Navaza.

A través da música e a Linguaxe de signos fixéronnos chegar a importancia do RESPECTO.

Grazas pola mensaxe e a marabillosa maneira de transmitila, 

aos nen@s e máis os adultos.

 

E de agasallo...

 

 

“Merenda con pan de millo” de Migallas Teatro

Hoxe o alumnado de 5 anos asistíu ao espectáculo músico-teatral "Merenda con pan de millo", do grupo Migallas Teatro, na Coruña. 

Actuación promovida polo equipo de Normalización Lingüística do Concello da Coruña dentro do programa Falamos primaria.

VISITA A EXPOSICIÓN “NUESTRO PLANETA”

Hoxe visitamos a Fundación Abanca para gozar das fotografías incluídas na exposición “Nuestro planeta” e que mostraban a súa beleza.

Ademáis realizamos un obradoiro para facer fincapé na importancia de ter hábitos sostíbeis.

Encontro Folclore Galego

Estas semanas nas clases de música soupemos que Clave de Sol e Clave de Fa andan de viaxe polo mundo en caravana.

Primeira parada: Galicia e a súa música e tradicións.

Grazas a Miguel, Iria e Isma o pasado 23 de outubro gozamos co noso folclore.

 

Moitísimas grazas chicos!!!

Esta actividade foi subvencionada polo Concello de Arteixo

  

Visita á Exposición de Cabazas do CEIP Galán

Hoxe respondemos a súa invitación e visitamos a terrorífica exposición de cabazas de Galán.

Moitas grazas!!!

Pasámolo de medo!!!

Contacontos na Biblioteca Miguel Sande

Este venres 11 visitamos de novo a Biblioteca "Miguel Sande", de Pastoriza, para desfrutar dun conto de Samaín da man do grupo "Teatro Calavera".

Foi para morrer...de Risa!!!!

Visita á Biblioteca Municipal Miguel Sande

O pasado venres o alumnado de 4 e 5 anos visitaron a Biblioteca de Pastoriza onde agardaba Anxo Fariña para mostrarnos a maxia da Ilustración.

DÍA MUNDIAL DA PARÁLISE CEREBRAL

Este mércores co gallo do Día Mundial da Parálise Cerebral, os nenos e nenas da aula azul asistimos a un acto en Arteixo ao que fomos convidados polo Concello. Alí, membros de ASPACE fixeron un discurso para dar visibilidade a súa situación e reinvindicar os seus dereitos, os cales quedaron expostos na "árbore dos dereitos" que vedes na imaxe.

Desde Barrionovo querémonos sumar ao lema da campaña deste año #DaleLaVuelta con esta imaxe.

  

Aquí vos deixamos o enlace ao vídeo da TVG: http://www.crtvg.es/informativos/dalle-a-volta-lema-do-dia-da-paralise-cerebral-para-acabar-acabar-coa-exclusion-4191503

E aquí nos tedes tamén no xornal "El Ideal Gallego": https://www.elidealgallego.com/articulo/area-metropolitana/arteixo-subvencionara-transporte-vecinos-usuarios-aspace/20191002223425416171.html