DOA SANGUE!

 Estimadas familias,

o vindeiro MÉRCORES 22 DE DECEMBRO estará a unidade móbil para a doazón de sangue diante da farmacia de 16:00 a 21:00 horas.

Adxuntamos cartel informativo.

POSTAIS SOLIDARIAS

Coma tódolos anos seguimos a colaborar na campaña de Nadal do CCA de Arteixo "Postais solidarias".

Estas postais foron decoradas no cole e agora están expostas en establecementos de Arteixo.

Se queredes recuperar a vosa postal só tedes que acudir ó establecemento e canxeala por alimentos non perecedeIros.

As postais da nosa escola atópanse no establecemento:

"TRES SORRISOS"

Máis información pincha aquí

7 DE DECEMBRO: DÍA NON LECTIVO!

 Estimadas familias,

O próximo martes 7 de decembro non haberá clase.

O centro solicitouno como día non lectivo.

Agardamos que disfrutedes da ponte e que veñades coas pilas cargadas para rematar o trimestre e o 2021.

Vémonos á volta, o xoves 9 de decembro.

Podedes revisar o calendario escolar aquí.

ESTRAFALARIA

 Estimadas familias,

Hoxe ás 17:00 horas estará no centro a proposta titulada "ESTRAFALARIA" organizada pola ANPA e a asociación O GRILO en colaboración co Concello de Arteixo.

En principio, se o tempo acompaña, a actividade será no cuberto exterior e podedes vir un adulto acompañando á nena ou neno. De ter mal tempo, pasaremos a proposta ao Espazo Fedelleiro, no que poderán acceder os nenos e nenas e serán supervisados pola ANPA.

Animádevos a vir!

CONTACONTOS "O RATIÑO PRESIMIDO"

 Estimadas familias,

Este luns 29 de novembro recibimos no centro á compañía de teatro TRINKE-TRINKE co seu contacontos "O ratiño presumido".

Con esta actividade pechamos as propostas realizadas nestas datas sobre a igualdade e contra as violencias machistas.

É unha actividade subvencionada por parte do Concello a través do CIM.

MAXIA POLA IGUALDADE

 Estimadas familias,

O pasado 24 de novembro puidemos desfrutar no cole dunha actividade de Maxia pola igualdade grazas á ANPA do centro.

Todo o alumnado gozou con Fani Triana o o seu espectáculo.

Moitas grazas á ANPA pola súa proposta.

ACTIVIDADES CIM 25N

 Estimadas familias,

Queríamos facervos chegar información sobre as actividades programadas polo CIM do Concello de Arteixo na conmemoración do 25N.

O propio día, xoves 25 novembro, terá lugar o acto institucional coa lectura do manifesto en contra da Violencia de Xénero que será lido no Pleno Municipal, ás 12.00h., no cal estará presente toda a corporación municipal.

O venres 26, hai programada unha obra de teatro, titulada Insubmisión. Será ás 20:00h no Centro Cívico Cultural de Arteixo.

Xa o sábado 27 de novembro teremos unha nova edición da Andaina contra a Violencia de Xénero, a cal non se puido celebrar no ano 2020 pero que recuperamos con moitas ganas. Trátase dun acto de sensibilización, reivindicación e apoio a todas as mulleres sobrevivintes da violencia de xénero. Faremos un percorrido duns 4km de dificultade baixa polas rúas do concello. Está indicado para toda a poboación. Para participar é preciso inscribirse  a través do seguinte enlace:

https://www.inscribirme.com/iiiandainacontraaviolenciadexeneroconcellodearteixo

ou directamente no CIM (Avda do Balneario, 10- baixo- 981601415). A Andaina rematará coa actuación musical da arteixá Silvia Penide e cunha chocolatada.

Xa para rematar, informamos que acabamos de estrear unha APP interactiva "CONECTA CON SENTIMENTO" dirixida principalmente á xuventude co obxectivo de previr a violencia entre a xente moza, dándolles ferrramentas para poder detectala e recursos a onde acudir de ser preciso. A aplicación inclúe un test para que a rapazada poida detectar indicadores de abuso nas súas relacións de parella e ter información sobre relacións saudables basadas no respeto e igualdade. Está dispoñible para ser descargada desde as plataformas de Android e APPLE.

Agardamos que esta información sexa do voso agrado e que poidamos contar coa vosa participación en todas elas.

En Nós está a Igualdade

Estimadas familias,

Hoxe queremos compartir convosco o resultado dun proxecto colaborativo por parte de varias ANPAS do Concello de Arteixo (ANPA Manuel Murguía-Galán, ANPA Larín, ANPA a Lagoa e ANPA Barrionovo)

Podedes ver o vídeo aquí.

Porque como ben di o título do vídeo, en Nós está a igualdade.

Moitas grazas á ANPA pola proposta.

ELECCIÓNS CONSELLO ESCOLAR

 Estimadas familias,

Recordámosvos que este luns 22 de novembro serán as votacións para  elexir os representantes de nais e pais do Consello Escolar de 16:30 a 19:30 horas.

Animámosvos a participar xa que a elección dos representantes de nais e pais no Consello Escolar é unha forma importante de participación na vida do centro.

Boa fin de semana!

ESPAZO EDUCA_CreandoPontes: NÉLIDA ZAITEGUI

 Estimadas familias

Dende o CRF A Coruña en colaboración co Concello de Arteixo programouse un obradoiro coas familias no que teremos o pracer de contar con Nélida Zaitegui. 

Será o próximo mércores 17 de novembro de 18:00 a 19:30 horas  no Centro Cívico Cultural de Arteixo

Contará con servizo de ludoteca ao que podedes apuntarvos cubrindo o seguinte formulario

A inscripción faise enviando un correo electrónico ao enderezo educacion@arteixo.org indicando nome e apelidos da persoa participante antes das 14:00 horas o día 16 de novembro.

Animádevos a participar!

ESTREAMOS ROUPA DE AUGA!

 Estimadas familias,

Parace que chegou o tempo de outono e por fin tivemos ocasión de estrear a roupa de auga cedida polo ANPA para todo o alumnado.

Agracer á ANPA o seu agasallo, imos desfrutar moito con él!

Deixamos unhas fotos da estrea.

SORTEO XUNTA ELECTORAL

 

O XOVES 28 DE OUTUBRO ÁS 11:30 HORAS PROCEDERASE AO SORTEO PÚBLICO PARA A DESIGNACIÓN  DOS MEMBROS DA XUNTA ELECTORAL PARA A CELEBRACIÓN DE ELECCIÓNS DE REPRESENTANTES DE PAIS/NAIS AO CONSELLO ESCOLAR .

 

Artigo 30 do Decreto 92/1988 segundo redacción dada polo Decreto 324/1996; DOG do 9 de Agosto

CAMBIO DÍA DE PERMANENCIA

Estimadas familas,

O centro solicitou este ano o cambio dos días de permanencia dos martes ao luns de 16:00 a 19:00 horas.

Este cambio foi autorizado durante esta semana, polo que dende o LUNS 25 DE OUTUBRO as mestras permanecerán no centro os LUNS DE 16:00 A 19:00 HORAS.

Queríamos recordarvos que durante ese tramo horario temos unha hora adicada ás titorías coas familias de 16:00 a 17:00 horas. Para concertar unha cita podedes contactar coa titora.

Un saúdo e boa fin de semana!

RECORDATORIO 11 E 12 DE OUTUBRO

 Estimadas familias,

Recordámosvos que o vindeiro luns 11 de outubro non hai clase por ser o Día do Ensino e tampouco o 12 de outubro como festivo nacional.

Podedes revisar o Calendario Escolar 21-22 AQUÍ

APERTURA SERVIZO DO COMEDOR

 Estimadas familias,

Onte inaugurouse no centro o servizo de comedor xestionado pola ANPA.

Deixamos unhas fotos do acontemento, e queríamos agradecer tanto ao Concello de Arteixo como a ANPA  o traballo realizado para poder contar co servizo na escola.

AXUDAS PARA MATERIAL DIDÁCTICO

 Estimadas familias,

Adxuntamos información sobre as axudas publicadas polo Concello para o material didáctico.

O prazo está aberto ata o 20 de outubro.

Para máis información pinchar aquí

FICHA SOCIAS E SOCIOS ANPA

 Estimadas familias,

Deixámosvos información sobre o proceso para darse de alta como socios e socias da ANPA da escola.

• COTA ANUAL POR FAMILIA= 25 €
• CUBRIR A FICHA E DEVOLVELA CUBERTA POR ALGÚN DESTES MEDIOS:
• • Por correo electrónico a ampa.barrionovo@hotmail.es
  • Deixar no buzón da ANPA situado na entrada da escola
  • Entregar en man algún membro da ANPA

• NO CONCEPTO DO INGRESO/TRANSFERENCIA INDICAR NOME E APELIDOS DO NENO OU NENA E CURSO. Por exemplo: Manuela Rial López 6º CURSO (AULA ROSA)
  

Adxuntamos a ficha para facerse soci@s.

BECAS E AXUDAS PARA ALUMNADO CON NEAE

 Estimadas familias,

Deixamos a vosa disposición a información relativa as axudas e becas para o alumnado con necesidades específicas de apoio educativo.

As solicitudes deberán ser presentadas no centro ata o próximo día 30 de setembro.

https://www.educacionyfp.gob.es/servicios-al-ciudadano/catalogo/general/05/050140/ficha/050140-2021.html

ACTIVIDADES EXTRAESCOLARES CURSO 21-22

 Estimadas familias,

durante o curso 2021-2022 as actividades extraescolares ofertadas polo Concello no centro serán os LUNS de 17:00 a 18:00.

Adxuntamos circular informativa.

EEI Barrionovo Específica by aidadourado

NOVO HORARIO DE ENTRADAS E SAÍDAS

 Estimadas familias,

queríamos informarvos que o xoves día 9 de setembro retomamos as clases.

As entradas e saídas volverán a ser escalonadas e serán nos seguintes horarios.

ENTRADAS

9:10 5 ANOS

9:15  4 ANOS

9:20 3 ANOS

SAÍDAS

14:00 3 ANOS

14:05 4 ANOS

14:10 5 ANOS

SERVIZO MAÑANCEIROS CURSO 2021-2022

 Estimadas familias,

o concello pon en marcha o serzivo de Mañanceiros no centro.

As que esteades interesadas en facer uso do mesmo podedes obter toda a información  na ligazón da web do concello

O prazo de inscripción é do 18 ao 31 de agosto!

BO VERÁN!

E por fin chegou o momento dunha paradiña.....

Descansade, desconectade e non perdades o camiño!!!!!

Vémonos de novo o 9 de setembro

Ver aquí o Calendario Escolar 2021-2022:

https://www.xunta.gal/dog/Publicados/2021/20210604/AnuncioG0598-210521-0001_gl.pdf

Matrícula 2021-2022

 O PRAZO PARA FORMALIZAR A MATRÍCULA É:

DO 20 AO 30 DE XUÑO

A atención ao público será con cita previa que ten que ser concertada chamando ao teléfono do centro:

696846412

Horario de atención ao público con cita previa: 

12:15 a 13:15 h

 DOCUMENTACIÓN NECESARIA: 

• DÚAS FOTOS CARNET CO NOME ESCRITO POR DETRÁS
• IMPRESO DE MATRÍCULA
• FOTOCOPIA DA TARXETA SANITARIA
• FOTOCOPIA DO LIBRO DE FAMILIA
• FOTOCOPIA DO BOLETÍN DE VACINAS

Pregamos traer os documentos necesarios xa cubertos coas fotocopias feitas.

O impreso de matrícula se pode descargar, cubrir e imprimir neste enlace:

IMPRESO DE MATRÍCULA

SERVIZO MADRUGADORES CURSO 2021-2022

CALENDARIO ESCOLAR 2021-2022

Publicouse a Orde do 19 de maio de 2021 pola que se aproba o calendario escolar para o curso 2021/22 nos centros docentes sostidos con fondos públicos na Comunidade Autónoma de Galicia.

Ver aquí:

https://www.xunta.gal/dog/Publicados/2021/20210604/AnuncioG0598-210521-0001_gl.pdf

Barrionovo quere patio novo

Estamos inmers@s nun proceso participativo de renaturalización do patio da escola, pero isto xa o sabedes porque sodes parte del.

Este cambio é preciso para ser coherentes co noso ideario e a nosa pedagoxía.

Os nenos e nenas son @s protagonistas deste cambio e o resto de axentes participantes (mestras, arquitect@s, familias, administración) somos facilitadoras. O noso cometido é facer que se sintan acompañad@s neste proceso de toma de decisións e empoderamento persoal.

O fin da educación é o desenvolvemento integral do alumnado mais se queremos chegar a adult@s responsables capaces de participar nas esferas de decisión da propia comunidade, debemos promover dende a infancia dita participación, decisión e interese polo común.

Compartimos con moito agarimo o seguinte vídeo onde resumimos a experiencia deste curso que, malia ser atípico, conseguimos pintar de cores e avanzar cara un Barrionovo máis auténtico, máis noso.

Grazas a tod@s @s que o facedes posible cada día.

#Barrionovoquerepationovo

INSCRICIÓN SERVICIO COMEDOR CURSO 2021-2022

FORMULARIO AXUDAS COMEDOR CONCELLO

BASES AXUDAS COMEDOR CONCELLO

Convocatoria do fondo solidario de libros de texto e axudas para adquirir libros de texto e material escolar destinadas ao alumnado matriculado en educación primaria, ESO e educación especial para o curso escolar 2021/22

As familias dos nenos/as que marchan para Galán podedes acceder á súa páxina web para ter a información das axudas de libros e material:

https://www.edu.xunta.gal/centros/ceipgalan/

_________________________________________________________________________

Las familias de los niños/as que marchan para Galán podeis acceder a su página web para tener la información de las ayudas de libros y material:

https://www.edu.xunta.gal/centros/ceipgalan/

RESULTADOS ENQUISA MADRUGADORES E COMEDOR REALIZADA ENTRE AS FAMILIAS DA EI GALIÑA AZUL DE PASTORIZA

 

LISTAXE DEFINITIVA DE ADMITIDOS 21/22

 

Todas as solicitudes presentadas foron admitidas.

A información contida neste listaxe só pode facerse pública:

• Presencialmente: Única e exclusivamente no taboleiro de anuncios situado no interior do edificio escolar.

• Telemáticamente: Única e exclusivamente a través da aplicación admisionalumnado empregando a Chave365 ou certificado dixital.

CONVOCATORIA DE AXUDAS DO CONCELLO DE ARTEIXO PARA O SERVIZO DE COMEDOR ESCOLAR DURANTE O VINDEIRO CURSO 2021-2022

 

O GRUPO TRADICIONAL SETESTRELO TRAE "O CAMIÑO" AO AUDITORIO DE ARTEIXO

Sabías que Setestrelo é o nome tradicionalmente dado en Galicia ao asterismo da Osa Maior debido a que ten sete estrelas ben visibles? Noutras culturas este asterismo tamén é coñecido polo nome de Gran Carro ou o Cazo.

Pero ademais é o nome escollido para unha agrupación que aúna un corpo de música e baile tradicional espectacular que nos presentará este venres 7 de maio ás 20:00 h o seu espectáculo O Camiño, un percorrido polas diversas rutas xacobeas, levado a escena cunha combinación de fotografía, vídeo, presentación teatralizada, canto e música.

Setestrelo pretende levar ao público a fantasía de facer o Camiño de Santiago desde a súa butaca e poñer en valor a música tradicional e mostrar a riqueza paisaxística e monumental de Galicia. Con ese fin, interpretan pezas tanto das zonas por onde transcorren os camiños como das súas áreas de influencia, músicas de autor e temas compostos para ese camiño en concreto.

Para todos os públicos

Custo da entrada: 6 € (4,50 € prezo reducido)

Venda de entradas: o día da función de 11:30-13:30 e de 18:00-20:00 h na billeteira do CCC de Arteixo ata completar a capacidade da sala

Con este espectáculo a Concellaría de Cultura inaugura o PROGRAMA CULTURAL MANUEL MURGUÍA que terá lugar en maio, mes das Letras, e mes no que se celebra o 30º Aniversario do Certame de Narracións Breves Manuel Murguía.

RESULTADOS ENQUISA MADRUGADORES E COMEDOR

 

ENQUISA DE DIAGNOSE DA CONVIVENCIA 2021

Dende a Consellería de Cultura, Educación e Universidade ponse en marcha a realización dunha enquisa que permita analizar o estado da convivencia e das novas formas nas que se está a desenvolver, como consecuencia do impacto da COVID-19 na nosa comunidade educativa.

Esta sondaxe anónima ten por finalidade coñecer a opinión dos distintos colectivos (directores e directoras, profesorado, alumnado, persoal non docente e familias) e permitirá, a través do análise das respostas obtidas, a introdución de avances e melloras neste ámbito dun xeito global e integrador.

A enquisa estará operativa desde o 12 de abril ao 29 de abril.

As familias poden acceder a ela desde este enlace ingresando unha clave persoal que será entregada o martes 13 de abril:

https://www.edu.xunta.gal/convfamil

Guía para cubrir a enquisa:

Máis info en:

https://www.edu.xunta.gal/portal/node/33594

LISTAXE PROVISIONAL DE ADMITIDOS 21/22

 Todas as solicitudes presentadas foron admitidas.

A información contida neste listaxe só pode facerse pública:

• Presencialmente: Única e exclusivamente no taboleiro de anuncios situado no interior do edificio escolar.

• Telemáticamente: Única e exclusivamente a través da aplicación admisionalumnado empregando a Chave365 ou certificado dixital.

ENQUISA MADRUGADORES E COMEDOR

Hoxe imos repartir unha enquisa elaborada pola ANPA para as familias sobre uso de servizos madrugadores e comedor.

Unha vez cuberta poden entregala no buzón da ANPA, enviala por correo electrónico ampa.barrionovo@hotmail.es ou entregala a calquera membro da ANPA ou do profesorado á volta das vacacións.

_________________________________________________

Hoy repartimos una encuesta elaborada por el ANPA para las familias sobre uso de servicios madrugadores y comedor.

Una vez cubierta pueden entregarla en el buzón del ANPA, enviarla por correo electrónico ampa.barrionovo@hotmail.es o entregarla a cualquier miembro del ANPA o del profesorado a la vuelta de las vacaciones.

VACACIÓNS DE SEMANA SANTA

 Lembramos que as vacacións de Semana Santa van dende o 29 de marzo ata o 5 de abril, ambos inclusive.

Polo tanto, voltamos o martes 6 de abril.

_____________________________________

Recordamos que las vacaciones de Semana Santa van desde el 29 de marzo hasta el 5 de abril, ambos inclusive.

Por lo tanto, volvemos el martes 6 de abril.

DÍAS NON LECTIVOS

O venres 19 de marzo é festivo e non haberá clase. 

Máis info: 

DECRETO 166/2020, de 10 de septiembre, por el que se determinan las fiestas de la Comunidad Autónoma de Galicia del calendario laboral para el año 2021.

Lembramos que o día non lectivo elexido polo centro é o luns 3 de maio.

_________________________________________________

El viernes 19 de marzo es festivo y no habrá clase. 

Más info: 

DECRETO 166/2020, de 10 de septiembre, por el que se determinan las fiestas de la Comunidad Autónoma de Galicia del calendario laboral para el año 2021.

Recordamos que el día no lectivo elegido por el centro es el lunes 3 de mayo.

O CONCELLO DE ARTEIXO CONMEMORA O 8 DE MARZO

 Máis info en:

http://www.arteixo.org/gl/noticia/arteixo-conmemora-como-cada-ano-o-8-de-marzo

REAPERTURA DA BIBLIOTECA POLA TARDE

 

PORTAS ABERTAS VIRTUAIS

Para saber máis:

RESERVAS DE PRAZA CEIP GALÁN

 

INFORMACIÓN SOBRE O PROCEDEMENTO DE ADMISIÓN DE ALUMNADO PARA O CURSO 2021/2022

 

SOLICITUDES DE ADMISIÓN PARA O CURSO 2021-2022

O prazo para a presentación das solicitudes de admisión é:

do 1 ao 22 de marzo

Recoméndase a presentación telemática a través da aplicación Admisión Alumnado na seguinte ligazón:

APLICACIÓN ADMISIÓN ALUMNADO

De ser cuberta na aplicación deberán seguir os seguintes pasos:

1. Acceder ao apartado de SOLICITUDE – ADMISIÓN - CREAR

2. Unha vez creada debe ser xerado un informe e impreso para entregar no centro en horario de atención ao público e con cita previa.

Pode tamén tramitarse a reserva a través da SEDE ELECTRÓNICA e presentar asinada de maneira telemática na seguinte ligazón:

SEDE ELECTRÓNICA

Os impresos pódense descargar, imprimir e cubrir polas familias de xeito manual e entregalos no centro solicitando cita previa.

A solicitude consta destos 2 impresos:

• Solicitud (Anexo II)
• Comprobación de datos de los miembros computables de la unidad familiar (Anexo II Bis)

Xunto cos impresos de solicitude débese aportar a seguinte documentación:

• Documento acreditativo do requisito de idade do alumno/a.

• Sentencia xudicial de separación ou divorcio e/o convenio regulador onde conste a custodia do/a menor, de darse o caso.

A atención ao público será con cita previa que ten que ser concertada chamando ao teléfono do centro:

696846412

Horario de atención ao público con cita previa: 

12:15 a 13:15 h

Para saber máis:

 

Entroido #camiñanteSIhaicamiño

 

BO ENTROIDO!

Lembramos que as vacacións de Entroido van dende o 15 de febreiro ata o 17 de febreiro, ambos inclusive.

Polo tanto, voltamos o xoves 18 de febreiro.

_____________________________________

Recordamos que las vacaciones de Carnaval van desde el 15 de febrero hasta el 17 de febrero, ambos inclusive.

Por lo tanto, volvemos el jueves 18 de febrero.

MANDADIÑOS ENTROIDO

 

REUNIÓN PATIO

 

CAMBIO DO PATIO

 

SUSPENSIÓN TEMPORAL DAS VISITAS Á BIBLIOTECA POLA TARDE

 

RESERVA DE PRAZA NO CENTRO ADSCRITO

Entre o día 11 de xaneiro e o 8 de febreiro o alumnado de 6º de Educación Infantil ten que presentar neste centro o IMPRESO ED550A correspondente á reserva de praza no centro adscrito.

Recordar que o centro ao que está adscrito a escola é o CEIP Galán.

O impreso pode ser cuberto polas familias de xeito manual e entregado no noso centro, ou a través da aplicación Admisión Alumnado na seguinte ligazón:

APLICACIÓN ADMISIÓN ALUMNADO

De ser cuberta na aplicación deberán seguir os seguintes pasos:

    1. Acceder ao apartado de SOLICITUDE – RESERVA - CREAR

    2. Unha vez creada debe ser xerado un informe e impreso para entregar no centro.

Pode tamén tramitarse a reserva a través da SEDE ELECTRÓNICA e presentar asinada de maneira telemática na seguinte ligazón:

SEDE ELECTRÓNICA

Calquera dúbida será resolta telefónicamente pola dirección.

IMPRESO PARA DESCARGAR, CUBRIR E ENTREGAR NO CENTRO

IMPRESO ED550A  en Galego

IMPRESO ED550A en Castellano

MÁIS INFORMACIÓN EN:

https://www.edu.xunta.gal/portal/es/node/32850